«دئل بىرىك» تالقۇۇسۇن ئلىمىي، مادانئي، تارتىمدۇۇ تالقۇۇ جايىتى قىلىپ قۇرۇپ چىعۇۇ، وشول نەگىزدە توردوشتورعو ئناق، مادانئي تالقۇۇ جاعدايىن جاراتۇۇ ماقساتىندا بۇل «تالقۇۇ ەرەجەسى» تۉزۉپ چىعىلدى.
I مۉچۅلۉككۅ قاتتالۇۇ
1. مۉچۅلۉككۅ قاتتالۇۇدان مۇردا «تالقۇۇ ەرەجەسىن» تولۇق وقۇپ، ماقۇلدۇق بەرگەن سوڭ انان قاتتالۇۇ كەرەك.
2. تالقۇۇعا مۉچۅ بولۇۇچۇلارعا ۅزۉ قاالاعان مۉچۅلۉك اتى مەنەن قاتتالۇۇعا دا، ۅز اتى مەنەن قاتتالۇۇعا دا جول بەرىلەت.
3. مۉچۅلۉككۅ قاتتالعان مۉچۅلۅر سۅزسۉز جەكە ۇچۇرلارىن انىق، تۇۇرا تولتۇرۇشۇ كەرەك، قالپ ايتىپ، قالپىس تولتۇرۇۇعا جول بەرىلبەيت.
4. مۉچۅلۅردۉن مۉمكۉن بار ۅز سۉرۅتۉ مەنەن قاتتالۇۇسۇ ۅزگۅچۅ ەسكەرتىلەت.
5. بئر كىشى تالقۇۇعا تەك بئر عانا ات مەنەن كىرۉۉسۉ كەرەك. ەگەر ەكى جە اندان اشۇۇن ات مەنەن كىرگەندەر بايقالسا مۉچۅلۉك ادىرەسى چەكتەلەت.
6. مۉچۅلۉك اتى جە باش سۉرۅتۉن الماشتىرۇۇعا تۇۇرا كەلسە، تالقۇۇدا اچىق بىلدىرۉۉ بەرۉۉ كەرەك.
II. جۉكتۅمۅ جولدوو
7. ارقانداي جۉكتۅمۅنۉ مازمۇن، ەمىلا، كۅركۅمدۉك جاعىنان كەمەلىنە كەلتىرىپ، انان تالقۇۇعا سۇنۇۇعا ۅنۅكۅت بولسوق، كۅركۅم- سۉرۅت، ىر- گۉۉلۅردۉ جولدوعوندو سۉرۅتتۅردۉن اچىق، دووشتۇن تۇنۇق، شىدىرلىعىنا كۅڭۉل بۇرۇۇ كەرەك.
8. جۉكتۅمۅلۅردۉن جاڭى، تالققۇ نارقى بار، مازمۇنۇ سوو، بەلگىلۉۉ ىلىمىيلىككە جانا كۅركۅمدۉككۅ ەە بولۇشۇنا ماانئ بەرۉۉ زارىل.
9. جۉكتۅمۅلۅرگۅ تۅمۅنكۉدۅي مازمۇن تالابى قويۇلات:
1) جۉكتۅمۅنۉن مازمۇنۇ پارتئيا- ۅكۉمۅتۉبۉزدۉن ساياساتىنا، زاكون- مئيزامدارىنا قارشى بولبوستۇعۇ، ۇلۇۇتتار ىنتىماقتۇۇلۇعۇ جانا مەكەندىن بىرىمدۉۉلۉگۉنۅ قايچى بولبوستۇعۇ كەرەك.
2) جۉكتۅمۅلۅردۅ بىشپاعان قوومدۇق، ۇلۇتتۇق ماسەلەلەردى تالقۇۇلاعان مازمۇندار جانا زاكونعو قايچى، بۇرمالانعان دئننىي ۉگۉتتۅۅ مازمۇندارى بولبووعو تئيىش.
3) تۇرمۇشتاعى چىر- چاتاقتاردى مازمۇن قىلعان جۉكتۅمۅلۅردۉ تالقۇۇعا چىعارباستىق، جۉكتۅمۅلۅردۅ جەكە كەك الۇۇ، جەكەنىن ەدەبىن بەرۉۉ، جەكە بىرۅۅنۉن بەت- بەدەلىنە تىيۉۉ ماقساتىنداعى مازمۇندار بولبوستۇعۇ كەرەك.
4) ۅز ارا ىرقسىزدىق پايدا قىلاتۇرعان جۉكتۅمۅلۅردۉ جۉكتۅبۅستۉك زارىل.
5) سارى مازمۇنداعى جانا سوقۇر ىشەنىمدى ۉگۉتتۅگۅن مازمۇنداعى جۉكتۅمۅلۅرگۅ بىردەي تىيۇۇ سالىنات.
10. جوعورقۇداي مازمۇندارداعى جۉكتۅمۅ جولدووچۇلارعا بايقاعان زامات تەماسى ۅچۉرۉلۉپ، ەسكەرتمە ۇچۇر بەرىلەت. ابالدى وورلوتۇپ جىبەرگەندەردىن تالققۇعا چىعۇۇسۇنا تىيىم سالۇۇ تئيىش.
11. بئر تالقۇۇعا سۇنعان جۉكتۅمۅنۉ مۉمكۉن بار داعى بئر تور ايالداماسىنا دا جابىشتىرۇۇدان ساق بولۇۇ زارىل.
12. ۇباقتى ۅتكۅن، مۇردا جولدونعون تەمالاردى جولدوبوستۇق، جۉكتۅمۅلۅردۉ بايلانىشتۇۇ ايدارلارعا جۉكتۅگۅن جۅن.
13. باشقا سايىتتاردان، ماالىمات قاراجاتتارىنان العان، قوتورعون، شايكەشتىرگەن جۉكتۅمۅلۅردۉن كەلۉۉ قاينارىن ەسكەرتۉۉنۉ ەسكە الۇۇ كەرەك.
III جووپ جازۇۇ
14. جووپ جازۇۇدا دا مازمۇن سوولۇعۇ جاعىنان جۉكتۅمۅلۅرگۅ قويۇلعان تالاپتار قويۇلات.
15. جووپتور جۉكتۅمۅنۉن مازمۇنۇنا قاراتا قالىس، تۇۇرا، ئلىمىي جازىلىشى كەرەك.
16. جووپ جازعاندا، جۉكتۅۅچۉلۅردۉن ەمگەگىنە قاراتا ۇرمات بىلدىرۉۉ، قالىس سۇنۇش جانا شىق بەرۉۉ.
17. جووپتۇ جۉكتۅمۅگۅ قاراتا جازۇۇ، جۉكتۅچۉگۅ قاپا بولۇپ جەمەلەبەستىك جە اچۇۇلانىپ قوردوبوستۇق كەرەك.
18. «بولوت، جارايت» دەگەندەي بات جازما جووپتوردۇ چۇبۇرتا بەربۅۅ زارىل.
IV. جەتەكچىلەر
18. جەتەكچىلەر دايىما تور ايالداماسىن جانا تالقۇۇ ايدارلارىن تەحنىكالىق جانا مازمۇن جاعىنان كۅزۅمۅلدۅپ، تەحنىكالىق تەيلۅۅلۅردۉ ماالىندا الىپ بارۇۇسۇ كەرەك.
19. تەحنىكالىق ۇچۇرلارعا باي، قوومدۇق بايلانىشتارعا چەبەر بولۇۇسۇ تئيىش.
20. تالقۇۇ بەتتەرىنىن كۅركۅمدۉك ساپات، ەمىلا، مازمۇن جاعىنان تارتىمدۇۇ بولۇشۇنا كەپىلدىك ەتۉۉ، جازدىمداردى ۅزۉ باش بولۇپ تۉزۅتۉۉسۉ كەرەك.
21. ىلىمىي، مادانئي تالقۇۇنۇ قالىپتاشتىرۇۇ ۉچۉن جووپكەرچىلىكتۉۉ باشقارۇۇچۇلار توبۇن قۇرۇپ چىعۇۇ، ۅز مىلدەتىن تولۇق اتقارباعان باشقارۇۇچۇلاردى مىلدەتىنەن قالتىرىپ، جۅندۅمدۉۉلۅردۉ ىشكە سۇنۇشتوو كەرەك.
22. تالقۇۇ اقىلەتتەرىن تازالاپ تۇرۇۇسۇ، چىر- چاتاقتاردى ۇباعىندا تەزگە سالۇۇسۇ زارىل ارى تالقۇۇنۇن تاعدىرىنا بايلانىشتۇۇ ماسەلەلەردى الدىن الا مۉچۅلۅرگۅ قابارلاش زارىل.
V باشقارۇۇچۇلار
23. تالقۇۇ جامااتىن جاڭى، مازمۇندۇۇ تەمالار مەنەن قامدوو جانا قۇندۇۇ مازمۇندار جۅنۉندۅ ئلىمىي تالقۇۇعا ۇيۇشتۇرۇۇ.
24. جۉكتۅمۅ جانا جووپتوردۇن مازمۇنۇ جانا ەمىلاسىنا سەرەپ سالىپ تۇرۇۇ، ساپاتسىزدارىن ۅچۉرۉۉ، از دا بولسو قۇنۇ بارلارىن ۅڭدۅۅ.
25. قالىستىق مەنەن تەما باشقارۇۇ، جەك- جاات بۅلبۅستۉك، مۉچۅلۅر اراسىنا بۉلۉك سالباستىق.
26. مۉچۅلۅردۉن ەمگەگىنە ۇرمات قىلۇۇ، «ۅچۉرۅم، جوق قىلام» دەپ ۉكۉس قىلباستىق، الاردى تاربئيالوو جانا شىقتاندىرۇۇعا چەبەر بولۇۇ.
27 جەتەكچىلەرگە قول قابىش كۅرسۅتۉپ تۇرۇۇ، قالىس ەمگەكتەنۉۉ روحۇ مەنەن تالقۇۇنۇن تاالايىن جارقىتۇۇعا سالىم قوشۇۇسۇ كەرەك.
28. باشقارۇۇچۇلار ۅز ويۇن مۉچۅلۅرگۅ تاڭباستىق، تالقۇۇنۇن جايدارى الىپ بارىلۇۇسۇنا كەپىلدىك ەتۉۉسۉ كەرەك.