تالقۇۇ قۇرۇچۇلار ۉچۉن پايدالۇ ۇچۇر

admin

	ازىر باردىق تالقۇۇ قۇرۇچۇلار ىشتەتىپ جاتقان تالقۇۇلاردىن 95 پايىزى Discuz  تالقۇۇسۇ بولۇپ تالقۇۇ داراجاسى جوعورۇلاشىنا ەرچىي بىر بۅلۉك ماسەلەلەر تولۇق چەچىلبەي كەلۉدۅ مۉچۅلۅر تالقۇۇلارعا وڭۇشتۇ مۉچۅ بولو الىشبايت ..... سەبەپ ەلىكتىروندۇق قۇرجۇن جازا تۇرعان جەرلار قىرعىزچا جە ۇيعۇرچا قات جازىلىپ مۉبۅلۅردۉن كۅبۅيۉشۉنۅ توسقول بولۇدا... بىز بۇل ماسەلەنى بىر جاقتىلۇ قىلۇۇ ۉچۉن ىزدەنىپ اقىرى جەڭىشكە جەتتىك .. بۇل جۅندۅمدۉ العان تالقۇۇبۇزعا سىناق قىلىپ ۅنۉمۉن كۅردۉك ... http://www.aykol.biz/kg/member.php?mod=register باشقا تالقۇۇ قۇرۇچۇلار بۇل ماسەلەنى ال قىلۇنۇ ويلوسوڭور بىز مەنەن بايلانىش جاساعىلا... نۇرقۇت تالقۇۇسۇنداقى تەمانى بۇل جەردى باسىپ كىرىپ كۅرۉڭۉز http://www.nurqut.com/ud/thread-16345-1-1.html ۇرمات مەنەن: دئل بىرىك سايتى قىزمات گۇرپاسى

تەنتەك

	الامعا اتى كەتكەن جەر اتامەكەن كۅك قونۇشتۇ كۅكتەرەك ، ۇرپاقتاردىن جاشوسۇندا سەن كەرەك . 70 جاشقا تولعون مايراپ كۉنۉڭدۅ، سۇنايىنچى قۇبانىچتۇۇ ىر بەلەك . اق قالپاق قىرعىز ۅسكۅن جەر ، ابالار جاشاپ ۅتكۅن جەر . اتا مەكەن كۅك قونۇش ، الامعا اتى كەتكەن جەر . كۅك قونۇش كۅركۅم كۅكتەرەك ، اسقالارىڭ كۅك تىرەيت . اباسى تازا چۅپ چۉيگۉڭ ، كۅركۅم جەر سەندەي بۉتۅلەك . بايلىعىڭ كۅپ جەر كەڭىر ، تارىققا قوشتۇڭ كۅپ بەلەك . ىنتىماق مەنەن العا باس ، ەل جەرىم مەنىن كۅك تىرەپ . تارىقتا كۉچتۉ نەگىزىڭ ، كەدەيلىكتەن الىستا ، تۇرا - ناچار ىشتەردىن ، باارىن بىردەي قالىستا . اتانداش ۇشۇل قىردالدا ، بايىشقا تۉشچۉ جارىشقا . كەم ەمەس سەنىن ەچ جەرىڭ ، باشقالاردان قالىشبا . ايىلدىن 70 جىلدىعىنا ارنالعان تەكەس ووداندا جازىلدى. دوستورعو لىرىيكالىق ىر ارنادىم ويلوسوم دوستورۇمدۇ ساعىنامىن ، چىن دوستۇن دوستۇعۇنا باعىنامىن . بەل اشىرىپ سۇۇ كەچىرگەن قىيباس دوستور ، ەستەسەم جورۇعۇڭدۇ ساعىنامىن . شىق كەلىپ تۉنكۉ ۇيقۇدان  قارعىپ تۇردۇم ، دوستوردۇن دوستۇق سىرىن ايتىپ تۇردۇم . ايتىشساقتا سىيلاشساقتا جاراشۇچۇ ، قايدا دەپ قايران دوستور قانتىپ تۇردۇم. دوس دەگەن سىرداشتارىڭ قىيباستارىڭ  ، دوس دەگەن سىيلاشارىڭ ىيلاتارىڭ . دوسۇڭدۇ قاردىرلاعىن قاستارلاعىن ، دوس دەگەن ادالدعىڭ ادامدىعىڭ . دوستورعو دۇعاي سالام ىر ارنادىم ، دوستورسۇز جالعىز تەگى جۉرالبادىم . دوستورعو سولۇق بايلىق باقىت تىلەپ ، دوستورعو لىرىيكالىق ىر ارنادىم . 2011-جىلى 10-ايدىن 30-كۉنۉ ۉرۉمچۉ كەڭ تەكەس كۅركۅم جەرىمسىڭ كەڭ تەكەس قۇتمان جەرىمسىڭ ، تابىلباس بايلىق كەنىمسىڭ . اتا جۇرت ىسىق مەرىڭدا ، اتامداي ماعا بەلىمسىڭ . كەڭ تەكەس كۅركۅم جەرىمسىڭ جاشومدۇ دەمەر دەڭىمسىڭ . ماقتاسام ساعان تئل جەتبەيت ، بەيىشتەي قووز جەرىمسىڭ . قاراجون مەنەن تەگەرەك ، اتالار كەتكەن تەبەلەپ . ات قويۇپ ساعان اتايىن ، تارىحىڭ تۇرات ەلەستەپ . قاراجون جايلوو سونۇنسۇڭ ، ورمون چۅپ بايلىق كەنىسىڭ . تەلەگەي تەكىش بارى تەل ، داڭالۇۇ جەرىمسىڭ . بوز ادىر كۅكسۇ اراشان ، ورۇۇعا شىپا قاراساڭ . ماقتاساڭ ماقتاپ تۇرچۇداي ، كۅچكۅم جەر ەكەن قاراساڭ . كىچى ىۇشتاي چوڭ قۇشتاي ، ايتباي قويسوق بولوبۇ ، كۅرگۅندۉن كۅزۉن تۇندۇرعان ، ال دەلە جەردىن سونۇنۇ . چولوق تەرەك كۅك تەرەك ، كۅركۅم جەر انداي بۉتۅلەك . قىساڭى مەنەن سەكىسى ، قانداي جەر اعا تەڭ كەلەت . اتتىن توسۇ ەچكىلىك ، اتالار ىرعا قوشقون جەر . اتايلاپ بارىپ كۅرچۉدۅي ، كۅركۉنۅ كىشى تۇنعان جەر . دابانى مەنەن اتتاشى ، ەل جۇرتتۇن قىيىن ماقتاشى . تەكەسكە كەلسەڭ بىلەسىڭ ، داباندان اشىپ قاتتاچى . ۇشۇنداي سونۇن جەر تەكەس ، كەم قارچىسى جوق تەل تەكەس . ارقار قۇلجا تەكە اڭ قۇش بار ، قاسىيەتى ارتىق جەر تەكەس . پارتىيا بەرگەن باق ۇشۇل بايگەرچىلىك چاق ۇشۇل ، پارتىيا بەرگەن بەق ۇشۇل . جاقىردىن  باارىن بايتتى ، جىرعاپ جاتقان چاق ۇشۇل . باي - كەدەي دەپ ايرىعىس ، ۉيلۅردۉ سالدى تاق ۇشۇل . دابالاش قامسىزداندىرىپ ، قادىرجام بولدۇ ەل وشول . وور كەسەلگە بايكا دەپ ، قادىرلاپ ەلىن جىرعاتتى . ازىراق اقچا تۅلۅدۉك دەپ ، ماقتاشىپ ەلىم ىرداشتى . التىمىش جاش مەنەن سۉيۅمۅلگۅ ، تىيشتۉۉ اقچا بەرىشەت . قىجالاتتان چىعىشىپ ، تۇرمۇشۇن سۉرۅپ كەلىشەت . توقسون مەنەن جۉز جاشقا ، اياباي كۅڭۉل بۅلۉشۅت . پارتىيانىن مەرىمىن ، وشولور كۅرۉپ كەلىشەت . 2020-جىلى 12-ايدىن 25-كۉنۉ تەكەستە جازىلعان . ەجە ەجە دەگەن بورۇكەرىڭ كۉيۅرۉڭ ، بىلىڭعو تۇۇعان دەسەدا كۉيۅرۉن . ەچ بولبوسو بىر چۅگۉن چاي قايناتىپ ، تۅركۉن دەسە جانىن سالىپ سۉيۅرۉڭ . ەجە دەسە جان اچىرىڭ جاقىنىڭ ، بىلگىن بالدار ەجەڭەردىن قادىرىن . جاتقا كەتتى دەپدا بۅلۉپ تاشتابا ، ىزدەپ تۇرچۇ وشول باالۇ اسىلىڭ . ەجە دەگەن بوور ەتىڭدىن بارچاسى ، اتا -ەنە دەپ اعا - ىنى دەپ چارچادى . ەجەڭەردىن بورۇكەرلىك ەمگەگىن ، تۇۇعاندارى تۅركۉندۅرۉ وپا مەنەن اقتاچى . قايرىماسى : ەەجەڭەردىن بورۇكەرلىك ەمگەگىن ، ىنىلەرى وپا مەنەن اقتاچى . 1983-جىلى 8-ايدا موڭعۇلكۅرۅ وودانى چەكىرتەدە جازىلدى . ەنەكە ەنەكە دەپ ىر تەماسىن باشتايىن ، ەنەكەمدى ىرعا قوشۇپ تاشتايىن . تۉن ۇيقۇسۇن توعۇز بۅلگۅن بالا ۉچۉن ، ەمگەگىنڭدى قانتىپ ەنە اقتايىن . ەنە مەرى تۉپسۉز تەرەڭ دەڭىزدەي ، ەنەڭەردى كۅتۅر قايعى جەگىزبەي . ەنەڭەردى ايعا چەيىن جەتكىزسەڭ ، قايبايت ەكەن ەمگەگى جە كەنەدەي . ەنەڭ باردا بارىڭاردىن بابىڭ بار ، ەنەلۉلۅر ەركەسىڭەر باعىڭ بار . ەنەڭ تۇرسا قارىيبايسىڭ بالاسىڭ ، ۉيدۅ سەنىن جانىپ تۇرعان شامىڭ بار . مەرىمىڭدى ايعا كۉنگۅ تەڭەسەم ، اق سۉت بەرىپ الدەيلەگەن ەنەكەم . بالدارىڭدىن باعى ۉچۉن دايىما ، ورۇباچى ەسەن جۉرچۉ ەنە سەن . 2008-جىلى 9-ايدا تەكەستە جازىلعان . ەردىن كۅركۉ ايالدا ايالدار جۉرگۉن جايدارى ، مارتىڭار ەلدىك مايرامى . كەنىرا سەتكىن باشتاعان ، وشوندون اچىق بايراعى . جاڭىل مىرزا سىياقتۇۇ ، باتىر چىققان ايالدان . قانىكەيدەي اقىلمان ، اسىل چىققان ايالدان . قۇت بولسۇن ايال مارتىڭار ، قۇتتۇقتايت ەل جۇرت جالپىڭار . قوومدو ۉيدۅ بارىڭدىن ، باالانىپ جاتات بارقىڭار . ايالدار ەلدىن ەنەسى ، دەڭىز بولسو كەمەسى . مەرىمىڭدى سۉرۅتتۅش ، ەڭ ەلە قىيىن ەمەسبى . ەردىن كۅركۉ ايالدا ، ەلدىن كۅركۉ ايالدا . ەسىڭ بولسو ەر جىگىت ، العان جاردى ايالا . قايرىماسى : ەسىڭ بولسو ەر جىگىت ، سۉيگۅن جاردى ايالا . 2023-جىلى 3- اي تەكەس وودان قووز جەر ەكەن قاراساڭ . قووز جەر ەكەن قاراساڭ . كۅك سۇۇدا دارىڭ اراشان. جۇماتايداي دوقتۇرۇ ، جۇڭگوعو ۉلگۉ جاراتقان . ابايلاپ بايقاپ قاراسام ، كىچىك پەيىل بالا ەكەن . بىر كۅرگۅن كىشى جاراتچۇ ، ۋىراچىڭ ەلدىك جان ەكەن . تەكەستەكى ار ۇلۇت ەلىنىن ، ماقتانىچى ال ەكەن . قىرعىزعا كۉيۅ بولعونعو ، ماقتانام مەندا ال ۉچۉن . ار جەردەن كەلگەن ەلدەر بار ، اراشان جايدى قاراساڭ . جۇماتايدى كۅرسۅك دەپ ، ساماشىپ جۉرۅت قاراساڭ . جۇماتاي مەنەن اراشان ، ەلىنە قىزىق قاراساڭ . ۇزۇن جىلدىق ماڭداي تەر ، باارىنا جاققان قاراساڭ . ىنتىماق مەنەن ەمگەكتەن ، جاقشى ىشتەر دالاي جارالعان . وزوت بولۇپ جۇماتاي ، بەيجىنگە چەيىن بارالعان . اراشاندىن استىندا ، كۅك سۇۇ دايرا اعىلعان . زوسۇ مەنەن تاشتارى ، سەدەپ شۇرۇ تاعىلعان . ال قۇشتاردىن مەكەنى ، جانىندار جۉرۅت جايىلعان . ورمونۇ چاچتاي كۅرۉنۅت ، قووزدۇققا كۅڭۉل بۅلۉنگۅن . بووز ادىرداي جەر قايدا ، اتا - ەنە تەرى تۅگۉلگۅن . جاسالىپ ەمى جولدورۇ ، ەلىنىە سونۇن كۅرۉنگۅن . پارتىياعا مىڭ العىش ، ەل ۉچۉن كۅڭۉل بۅلۉنگۅن . زوولاردان جاساپ تۉپتۉز جول ، ەمگەگى ەلگە كۅرۉنگۅن . 2019-جىلى 8-ايدىن 3-كۉنۉ   كۅك  سۇۇ اراشان بۉگۉن قانداي قىزىرعا مەن جولۇقتۇم . ادابىيات جىيرما جىلدى تويلودۇڭ ، كەلىپ تۇرات مەنىن جانا تويلوعۇم . جاڭى قايرا چىققان كەزىڭ ەسكە الىپ ، وشول ۉچۉن شىعىم كەلىپ توقتولدۇم . ال كەزدە مەن مۇڭعۇلكۅرۅ جۉرگۅمۉن ، چىعات دەسە قۇلاعىمدى تۉرگۅمۉن . بىرىنچى سان قولعو جاڭى تىيگەندە ، سۉيۉنچۉلۅپ ەل ارالاپ كۉلگۅمۉن. قىرعىزى از چەگارادا جۉرگۅمۉن ، جازباسامدا ادابئيات سۉيگۅمۉن . جازىلعىلا ەنە تىلدىك جورنالىڭ ، ۅنۉڭسۅ دەپ ۅزۉمچۅ مەن كۉيگۅمۉن . ناتىيجاڭار جىيرما جىلدىق بار قىيلا ، تاجىيبا ساباقتارىم بار جىينا . تۉبۅلۉگۉن جورنالدىن ويلوعۇلا ، ساپا مەنەن وقۇرمانىن تەڭ سىيلا . تۇرعانباي ىرىسبەكتەي بولعۇلا ، وردۇن الاردىن ۅگۅيسۉتۉپ قويبوعۇلا . سۇلايمان اعا دولقۇن تۇۇ قىلابىز سىلەردى . ەلگە قالىس بارىنا تەگىز بولعۇلا. جانباي تۇرسۇن جانداي چااپ وزعۇلا ، بەلەسىنەن قىيىنجەردەن توسقۇلا . ەلىمدىن وور جۉگۉن ارقالادىڭ بىر قىيلا ، باشقالاردان تاي چابىم بولسوداعى وزعۇلا . نۇربەكتى جاڭى كۅرۉپ ۇققامىن ، ابال سۇراپ تانىشىپ ەمى تۇرامىن . ەلدىك اعارتۇۇ باسما جاعىندا ، سالىمى چوڭ دەيت تۇۇعاندىن . نوورۇز اعا سالام بەرىپ تۇرامىن ، باياعىداي اعام كەلىپ قۇباندىم . قىزىر دارىپ امان بولسۇن اعالار ، ۇچۇراشىپ ابالىڭدى سۇرادىم . قىرعىز دەسە قىردان چىعىپ توسسوم دەيم ، ادابئيات سۉيگۅندۅردۅن وزسوم دەيم. ۅنۉكسۅ دەپ ادابئيات ىشىبىز . مايەكتەشىپ سىلەر مەنەن ۅتسۅم دەيم . اتا كۅرگۅن تۇۇعاندار سەن ۅلبۅگۉن ، داراجا ۅسۉپ كۉندۅن - كۉنگۅ ۅرلۅگۉن . ەسەن بولعۇن ەلىبىزدىن باعىنا ، ابدىرايداي ىنىلەر ەلىڭ جۅلۅگۉن . سابىرجان باشتاپ بۉگۉن تەكشى جولۇقتۇم ، قۇبانىپ جۉرۅت بالا چاقا قولۇقتۇم . زوبولولۇ باقتىلۇۇ بولعۇن تۇۇعاندار ، بۉگۉن قانداي قىزىرعا مەن جولۇقتۇم . 2001-جىلى تەكەس وودانى شىنجاڭ قىرعىز ادابىياتىنىن جىيرما جىلدىق تويۇن ۅتكۅزۉپ قايتقان تۇۇعاندار مەنەن جولۇعۇپ جازعان ىر . جاشىل توو تۇنۇق سۇسۇ بار ، قاسىيەتتۉ كۅك سۇۇ اراشان ، قاراسام تويبوي باراتام . قولۇ بۇت تىزە ورۇسۇ ، ساقايعانسىپ باراتام . اتىر جەل چىعات ارقىراپ ، كۅك سۇسۇ سايدا شارقىراپ . كۅك جاشىل تووسۇ ارقايىپ ، قاراسام قامباي تاڭ قالىپ . كۅك جاشىل بولۇپ قاراعاي ، تولارى كۅنگۅ جارادى اي . اڭ قۇشۇ جۉرۅت ارادا ، اباسى سونۇن ال اندا . جاشىل توو تۇنۇق سۇسۇ بار ، اسماندا ۇچقان قۇسۇ بار . ىزدەسەڭ باارى تابىلات ، كۅنۉڭدۉ اچچى جاعى بار . بوز ادىر دەگەن سونۇن جەر ، اتا بابا مەكەنى .كۅربۅسۅڭ ساماپ قالاسىڭ ، ەسىڭەن تاقىر كەتەبى . اسماندا بۇلۇت ارقايىپ ، زولورۇ تۇرات چالقايىپ . بورۇندا ەچكى تەكەسى ، اراڭ بىر باسات مايپايىپ . بۇلۇت جىلسا زوو جىلىپ ، كۅرۉنۅت كۅركۉ باشقاچا . تابئيات سونۇن تۇربايبى ، اچىلات كۅڭۉل باشقاچا . 2024-جىلى 6-ايدىن 14-كۉنۉ كۅك سۇۇ اراشان. اتامدىن قالعان ىزدەرى بوز ادىر جولۇن جاساتىپ ، اتامدىن قالعان ىزدەرى . اراشان جايعا مەن بارىپ ، ىزىڭدى اتا ىزدەدىم . تۅگۉلگۅن ەكەن تەرلەرى ، قالىپتىر جولدو ەمگەگى . بوز ادىر جولدو جۉرگۅندۅ ، ەلەستەيت وشول ەمگەگى . اتامدىن اتى تۇرسۇنباي ، ووداندا باشچى بولۇشقان . بوز ادىر جولدۇ جاساتىشتىن ، باش مىلدەتىن الىشقان . باشقارىپ وشول كەزدەردە ، جاساتقان ەكەن جولدوردۇ . ەل ۉچۉن قىزمات قىلعانعا ، پارتىيا ۅكۉمۅت قولدودۇ . ەلىندە قالعان ەمگەگى ، تۅگۉلگۅن ادال تەرلەرى . ىيگىلىگىن كۅرۉشۅت ، ازىرقى ۇرپاق ەلدەرى . 2024-جىلى 6-ايدىن 16-كۉنۉ كۅك سۇۇ اراشان . اق قالپاق باشتان ووباسىن . اق قالپاقتاي اپ اپپاق ، تازا بولسۇن دىلىڭىز . باشقا كىيگەن اق قالپاق ، قادىرىن جاقشى بىلىڭىز . اق قالپاق باشتان تۉشبۅسۉن ، ىنتىماق ەلدە تۉپتۅلسۉن . باياشات جاشاپ ەلىبىز ، باق تالاي ەلدە بۉت بولسۇن . اق قالپاقتى قادىرلاش ، اتادان قالعان سالتىبىز . كۅپ امان جۇرتۇم سوو بولسۇن ، ەسەن سوو بولسۇن جالپىڭىز. اردايىم دەنىڭ سوو بولسۇن ، اق قالپاق باشتان ووباسىن . ماناستىن تازا ۇرپاعى ، زوبولوڭ بىيىك زوو بولسۇن . اردايىم وينوپ كۉلگۉلۅ ، اپ اپپاق تازا جۉرگۉلۅ . ۇرپاققا بەرىپ ۉلگۉڭدۉ ، قارتايباي دوور سۉرگۉلۅ . قايرىماسى : جاشتارعا بەرىپ نۇسقاڭدى ، ۇلعايباي دوور سۉرگۉلۅ . 2023-جىلى 3-ايدىن3-كۉنۉ تەكەس . دەنىڭ ساق بولسو دايىما . جاش كەزدە جۉرۉپبۉزدا اياباي ، دەن سولۇققا تاقىر دەلە قاراباي . وڭ تەتىرى انان دەلە جۉرۉپبۉز ، التىن بىر جاندى دەلە اياباي . قادىر مىنا بىلگەن كەزىمدە ، ەنتەلەپ قالدى ەمى جاشىبىز . وشوندودا كۉتۅلۉچۉ سولۇقتۇ ، ەمنەسىنە انان ەمى جاشىيبىز . ويلوندۇرات ۇباقىت ۅتسۅ پەندەنى ، جاشو جىرعال ۅمۉرۉڭدۉن ۅتكۅنۉ . دەنىڭ ساق بولسو دايىما ، بايلىعىڭ وشول ۅنۉر وشول جىرعالى . دەن سولۇعۇڭ جاشوڭدۇن نەگىزى ، باق تالايدىن باتاتۇرعان دەڭىزى . بايلىق وشول بارلىق ىشكە جەتكىزەر ، تىرچىلىكتىن اماندىقتىن نەگىزى . وشوندۇقتان كۉتۅلۉچۉ سولۇقتۇ ، سولۇق بولسو جاقشى بولوت قولۇقتۇ . بالا چاقا بارلىعىنا باش بولوت ، ورۇندالات ارمان تىلەك بارىسى . جاقشى كۉتۉش دەن سولۇقتۇ بارىشقو ، امان جاشاپ تىرچىلىك قىلىش پارىزعو . ئلمى كۉتۉپ ازىقتانىپ دايىما ، سالامات جۉرۉپ جاقشى بولور بارىعا . 2024-جىلى 4-ايدىن 4-كۉنۉ ۉرۉمچۉ . ىنتىماق ىنتىماق ىرىس الدى ەكەن ، ىنتىماق ەلدىك سالت ەكەن . ىنتىماقتى ىرىتكەن ەي ، جاشاباس بولۇپ قالسا ەكەن . ىنتىماق جەڭىش ۇرانى ، ىنتىماق ەلدىن سۇرارى . ىنتىماقسىز ەل بولسوڭ وي ، بەرەكە قۇتۇ تۇرابى . ىنتىماق كۉندۉن نۇرۇ ەكەن ، ىنتىماق ەلدىن ىرى ەكەن . ىنتىماق بولسو ەلىڭدە ، باق تالاي قونوت چىن ەكەن . 1997-جىلى 2-اي تەكەس قۇرداش دوستور امانبى ۉرۉمچۉ كەتىپ كۅرۉشبۅي ، قۇرداش دوستور امانبى ؟ كۅرۉشۅتۉن كۉندۅر كۅپ ، بارىڭا ايتام سالامدى . ۉي بۉلۅنۉن تىرەگى ، ايىمدار قانداي امانبى؟ ۇشۇل كۉزدۅ باارىڭا ، تولۇقتاپ ايتام سالامدى . جەتىمىش جاشقا تايادىق ، دەن سولۇقتۇ اياعىن . ۅز ارا كۅڭۉل ورۇتباي ، بىرىڭدى بىرىڭ اياعىن . بىرىنچى بولسۇن دەن سولۇق ، ۇشۇل جىلدا بارىڭا . امان جۉرۉپ سىيلاشقىن . بىرىڭە بىرىڭ تارىنبا . ۉرۉمچۉدۅن بەرگەن سالامدى ، بارىڭ بىردەي قابىل ال . دەن سولۇق جاقشى بار بولسو ، سىيلاشۇۇ دايىم تابىلار . قادىردى بىلەر كەز كەلدى ، قارىلىق دەگەن تەز كەلدى . سىيلاشىپ نۇسقا قالتىرار ، اقساقال بولچۇ كەز كەلدى . 2024-جىلى 9-اي ۉرۉمچۉ اپتور تەكەس وودان قالىق پىراكىراتۇرانىن  پەنسىنورۇ - قۇدايبەرگەن تۇرسۇنباي ۇۇلۇ