و، قىزدار

تەنتەك

	و، قىزدار و، قىزدار، سۇمسايىش وردۇنا، ار دايىم جايدارى بولعۇلا. الىستاپ قىر اشقان كۉندۅردۉن استىنان بئر قايرىپ قويعۇلا. و قىزدار، اعاي دەش وردۇنا، اتىمدان چاقىرچۇ بولعۇلا. بۉلبۉلدۅپ باراتقان جاشتىقتىن بئلىگىن چوڭويتۇپ قويعۇلا. و قىزدار، قول شئلتەش وردۇنا، قاش سەرپىپ، كۅز قىسچۇ بولعۇلا، ماعا وقشوش بئرۅۅنۉن قولۇنان گۉل سۇنسا گۉل الىپ قويعۇلا!

تەنتەك

	اسانقالىي كەرئمباييەۋ "سۇلۇۇعا" سۅزۉ : ا.وس مونوۋدۇقۇ وبونۇ : ا.كەرئمبيەۋدىكى قوش، جان ەركەم، قوش دەيسىڭ دەپ تاارىنبا، مەنى كۉتپۅ، مەنى ەستەپ، ساعىنبا. جاش كەزدەردەي ىناق سۉيۉۉ جوق ەكەن، وتۇز جاشتىن ۇلام ارقى جاعىندا. قوش، سۉيگۅنۉم، قوشتوشوردو جالىنبا، سەن جاقشى ەلەڭ مەن سۉيۅ ەلەك چاعىڭدا. اق سۉيۉۉدۅن كۅڭۉل قالۇۇ كۅپ ەكەن وتۇز جاشتىن ۇلام ارقى جاعىندا. سەن بئر كەپتەر بوز شۇمقارىن تۉنۅتكۅن، ۇنۇتۇلعان ۇچار زامات تۉنۅكتۅن. سۉيۉۉ دەگەن سۉيۉۉ ەمەس ەرىندەن، سۉيۉۉ دەگەن - وت چاچىشۇۇ جۉرۅكتۅن. سەن بئر باقچا مۅمۅلۅرۉڭ كەلئشكەن، مەن جۉرگۉنچۉ ووز تئيگەن جەمئشتەن. سۉيۉۉ دەگەن سۉيۉۉ ەمەس بەتىڭدەن، سۉيۉۉ دەگەن - سۉزۉپ ۅتۉۉ دەڭئزدەن.

تەنتەك

	اسانقالىي كەرئمباييەۋ "باقتىلۇۇ بولعۇم كەلەت ماحاباتتان" سۅزۉ : ا. ۅمۉرقانوۋدۇقۇ وبونۇ : ا. كەرئمباييەۋدىكى باقتىلۇۇ بولعۇم كەلەت ماحاباتتان، جۉرۅكتۅ ەس تارتقانى كەلە جاتقان. ارۇۇ قىز مەنىن جايداق تاعدىرىما، ۅزۉڭسۉڭ ۅچپۅس سۉيۉۉ وتۇن جاققان. ۉمۉتتۅ ار كۉن سايىن جولۇڭ قاراپ، جوودۇراپ جولۇعۇۇنۇ ساماپ، ساماپ. ۅمۉرۉم ۅتۉپ جاتات ەڭسۅۅ مەنەن، قىمباتىم، كەلەەر جاعىڭ قايسى تاراپ ؟ تۉشۉمبۉ ؟  تۉشۉم داعى سەن جىتتانات، كۉلكۉمدۉن ئزىن كۅرسۅڭ ساعا بارات. دۉينۅدۅ سەنىن بارىڭ ەستەگەندە، كۅڭۉلدۉن كۅپ قايعىسى ۇنۇت قالات. سەنى ئزدەپ جەردى كەزدئم، كۅلدۉ كەچتئم، ۅزۉڭۅ كۅپتۉ وقشوتۇپ ازاپ چەكتئم. باقتىلۇۇ بولعۇم كەلەت ماحاباتتان، ارىلعىس اجايىپ بئر نۇرۇڭ تۅككۉن.

تەنتەك

	ىبراگىم جۇنۇسوۋ        "الدادىڭ" گۉل باقچانى ارالاپ، ەكۅۅبۉز بئرگە جۉرۅبۉز. كۅز ارتىشات بئزدى قاراپ، باارىسى، جاشى-قارىسى. كۅز تئيدىبى، سۇۇق كۅزدۅر، بئلبەدئم، كۅزدۅر تئيدىبى ؟ بئزدىن سۉيۉۉ مۇزداپ بارات، بارعان سايىن مۇز بولۇپ بارات. قايىرما: سەن مەنى الدادىڭ، الدادىڭ، داعى-داعى الدادىڭ. مەن بايقۇش الداندىم، الداندىم، داعى-داعى الداندىم. سەن ماعا سۉيۅمۉن، سۉيۅمۉن دەگەن سۅزدۅرۉڭ قايدا ؟ مەن بولسو، ئشەنىپ، ئشەنىپ جۉرۉپمۉن قايرا-قايرا. دەگەن سۅزدۅرۉڭ قايدا ؟ ئشەنبەيمىن ەمى ساعا، ساعا. مەنىن بولعون سۉيۉۉمدۉ، ۅچۉردۉڭ بولعون سۉيۉۉمدۉ. ئشەنىچئم تۉگۅندۉ ساعا بولعون، الدا تۉگۅندۉ... ەمى جالعىز كەتسەمبى، جەر جۉزۉنۅ تەنتىپ كەتسەمبى ؟ جە بولبوسو، بۇل االامدى، قولۇم شئلتەپ، تاشتاپ كەتسەمبى ؟

تەنتەك

	بولوت تاس ماييەۋ "سەن بئلگەن جوقسۇڭ" سۅزۉ : جولدوشباي ابدىقالىقوۋدۇقۇ وبونۇ : ساعىنباي سوورونباييەۋدىكى الىستان بئر سەن ۉچۉن كەلگەنئمدى، سىر قىلىپ قىزىل گۉلدۉ بەرگەنئمدى، سەن بئلگەن جوقسۇڭ. (2 جولۇ) ىچئمدەن سۉيۅمۉن دەپ ايتقانىمدى، ۉشكۉرۉپ ۉيگۅ امالسىز قايتقانىمدى، سەن بئلگەن جوقسۇڭ. (2 جولۇ) اتىڭدى اق باراققا جازعانىمدى، انارداي قىزىل ۅڭدۅن ازعانىمدى، سەن بئلگەن جوقسۇڭ. (2 جولۇ) ۉيۉڭدۉ جالجال قاراپ ۅتكۅنۉمدۉ، كۅزۉمدۅن ىسىق جاشتى تۅككۅنۉمدۉ، سەن بئلگەن جوقسۇڭ. (2 جولۇ) تۉشۉمدۅ سەنى مەنەن جۉرگۅنۉمدۉ، ەزئلىپ ەركىن وينوپ- كۉلگۅنۉمدۉ، سەن بئلگەن جوقسۇڭ. (2 جولۇ)

تەنتەك

	مۇحتار اتانالىيەۋ "جاش سۇلۇۇ" سۅزۉ : م.اتانالىيەۋدىكى وبونۇ : م.اتانالىيەۋدىكى ئلەبىڭ جازدىن كەلىپ نۇر جۉزۉڭدۅن، كەرەمەت ۉن ۇعۇلات كۉلۉشۉڭدۅن. اققۇۇداي موينۇڭ سوزسوڭ ەلەستەتەم، پەرئشتە - جوموقتوعۇ كۉلۉڭدۅگۅن. قايىرما: ەي جاش سۇلۇۇ، ىچتە سىرىڭ قاتىلۇۇ، ەي جاش سۇلۇۇ، اق تئلەكتەن قاالارىم، ەي جاش سۇلۇۇ، بولسوڭ ەكەن، ەكەن باقتىلۇۇ. سۇۇ الىپ ەشىگىمدەن ۅتكۅن كەزدە، تويبوعون كۅزدۅر مەنەن قاراي بەرەم. ۅزۉمدۅي بئر جىگىتكە تۇش بولسو دەپ، چىندئلدەن جاش سۇلۇۇعا ساماي بەرەم.

تەنتەك

	اعىن سۇۇ" سۅزۉ : ەلدىكى وبونۇ : ەلدىكى اعىن سۇۇ تۇرسا چالچىقتاپ، اق شۇمقار كەلىپ قونچۇ ەمەس. از ايلانىپ مەن جۉرۅم، انچالىق قاتۇۇ بولچۇ ەمەس. كۅك سۇۇ تۇرسا چالچىقتاپ، كۅك شۇمقار كەلىپ قونچۇ ەمەس. كۅپ ايلانىپ مەن جۉرۅم، كۅپ ەلە قاتۇۇ بولچۇ ەمەس. كۅزۉڭ بئر بىشقان الچاداي، كۅرگۅندۅ جۉرۅك چارچادى اي. كۅڭۉلۉڭ بولسو ايتساڭچى، ۅيدۅ-تۅمۅن قالچاباي. تۉن ىچىندە ۇيقۇم جوق، كۉندۉز بئر قويچۇ تىنچىم جوق. قارىمىن دەيسىڭ جاش تۇرۇپ، قانداي جانسىڭ قۇرچۇڭ جوق.

تەنتەك

	اتام مەنەن ەنەمە" سۅزۉ : ت. قوجومبەردىيەۋدىكى وبونۇ : ج.قايىپوۋدۇقۇ جۉرۅسۉڭۅر جاشاپ-ئشتەپ الىستا، چولو تئيبەيت اي ۅتكۅربۅي بارىشقا. اق ەمگەكتى اقتايىن دەپ ۇۇلۇڭار، بئلئم ۉچۉن تۉشكۅن ۇزاق جارىشقا. ويلوورسۇڭار ساناا تارتىپ، قامىعىپ، ساداعالاپ، قاراانىمدان قاعىلىپ. سئلەر مەنى ساماعانداي جول قاراپ، مەن دا جۉرۅم ۅزۉڭۅردۉ ساعىنىپ. سئلەر اندا، مەن كۉنچۉلۉك الىس مىن، زامانامدان قالباي كەلەت جارىشقىم. الپەشتەگەن ەنەم مەنەن اتاكەم، ەكۅۅڭۅرگۅ ۅمۉر بويۇ قارىزمىن.

تەنتەك

	اي جارىق ابا سالقىن، تۉن ورتوسۇ، اي جارىق، اي جارىق، اي، اي جارىق. باق ارالاپ بئرگە جۉردۉك، ايلانىپ، ايلانىپ، اي، ايلانىپ. بئر ۇباقتا مىنداي سۇنۇش كىرگىزدىڭ، سۇنۇش بئر، اي كىرگىزدئم، "بولدۇچۇ ەمى، تۉن ورتوسۇ قايتالىق". قايىرما: بەك قۇچاقتاپ، مەن سەن جاققا ىقتادىم، مەن دا ىقتادىم، قۇچاعىڭدان چىقپادىم. شىلتوو قىلىپ چوچۇباسىن دەگەنسىپ، جاقاڭداعى قىزىل گۉلدۉ جىتتادىم. دەدىڭ داعى ماعا قاراپ توقتودۇڭ، توقتودۇم، اي، توقتودۇم. قولدۇ سۇنۇپ قوشتوشۇۇعا وقشودۇڭ. وقشودۇم، اي، وقشودۇم. "ەسەن تۇر" دەپ وڭ قولۇمدان بەك قىسىپ، بەك قىسىپ، اي، بەك قىسىپ. ىچ جىلىتىپ، جۉرۅگۉمدۉ قوزعودۇڭ. قوزعودۇم، اي قوزعودۇم.

تەنتەك

	السىراپ، جانىم كەيىپ تۇرعان كەزدە، وپول توو جۅلۅك بولۇپ قويبويسۇڭبۇ ؟ بئلبەدئم، جە بايقاباي جۉرۅسۉڭبۉ ؟ جە مەنى وورۇبايت دەپ ويلويسۇڭبۇ ؟ مۇڭقانىپ مۇۇنۇم بوشوپ تۇرعان كەزدە، كۉن بولۇپ، قاباقتى اچىپ قويبويسۇڭبۇ ؟ بئلبەدئم، جە بايقاباي جۉرۅسۉڭبۉ ؟ جە مەنى كەيىبەيت دەپ ويلويسۇڭبۇ ؟ سەزئمدەر تولقۇپ-تاشىپ تۇرعان كەزدە، سەن ماعا جىلۇۇ سۉيلۅپ قويبويسۇڭبۇ ؟ بايقاباي، جە تۉشۉنبۅي جۉرۅسۉڭبۉ ؟ جە مەنى سۉيۅ البايت دەپ ويلويسۇڭبۇ ؟

تەنتەك

	اسانقالىي كەرئمباييەۋ "گۉلقايىر" ىسىق-كۅل ساعا بارام دەپ، ىرىسقا بۉتسۅ جاعار دەپ. ويلوعون ەمەس ەكەنمىن، وشوندو سەنى تابام دەپ. ويلوعون ەمەس ەكەنمىن گۉلقايىر، سەنى تابام دەپ. كۅرسۅم دا سەنى مئڭ جولۇ، كۅل بويلوپ باستىم تۉن بويۇ. گۉلقايىر، سەنىن ماس بولۇپ، گۉلۉڭدۉ ىسكەپ بئر جولۇ. گۉلقايىر، سەنىن ماس بولۇپ، ۅزۉڭدۉ جىتتاپ بئر جولۇ. دارتىما دابا ەتە الباي، داالايلار جۉرسۅ جەتە الباي. ۅمۉردۉن بارقىن كەچ بئلىپ، ۅزۉڭدۅن تۇرام كەتە الباي. جاشوونۇن بارقىن كەچ بئلىپ، جانىڭدان تۇرام كەتە الباي. كۉۉگۉمگۅ تولعون كەچئمدىن، كۉكۉگۉن قايدا كەتىردىڭ ؟ گۉلقايىر، گۉلۉم قوش ەمى، گۉلۉڭدۉ ۉزسۅم كەچىرگىن. گۉلگۅ وقشوش ەركەم، قوش ەمى، كۉنۅۅلۉۉ بولسوم كەچىرگىن.

تەنتەك

	ال كەزەكتە سەن تەنتەك قىز ەسەلەك، مەن دا بالا سۉت ووزۇمدان كەتەلەك. جار بوورۇنا ەكۅۅلۅپ، وروق مەنەگن ۉيقۇرۇپ. جاڭى عانا ۉيلۅنۉپ، كۅچۉپ كەلدىك دەچۉ ەلەك. قايىرما: التىن بالالىق، بئزدى وينوتقون. ماعا بئلگىزبەي، سۉيۉۉمدۉ ويعوتقون « كەمپىر! »  دەسەم مەن قولۇڭدان جەتەلەپ، « بەلئم ئي »  – دەپ سەن دا ماعا ەركەلەپ. چالىم بايقۇش جۇمۇشتان، چارچادى دەپ مەنى اياپ. چاي قاناتقان كۉندۅرۉڭ، الى ەسئمدەن كەتەلەك. قايىرما: قوشتوشووردو قووماي قارماپ قولۇمدۇ، -ساعىنبا... – دەپ، سانعا بۅلدۉڭ ويۇمدۇ. جاش كۉنۉمدۉن ۇنۇتقۇس، ەستەلىگى ۇشۇل دەپ. قاراپ تۇردۇم جالدىراپ، قاراان ۉزگۅن جولۇڭدۇ. قايىرما:

تەنتەك

	مىرلان بايەكوۋ "اي قىزىم" سۅزۉ : ب. بوربىيەۋدىكى وبونۇ : ب. بوربىيەۋدىكى اربايت ار بئر قىيمىلىڭ، بئيچى قىزىم، ماحاباتىم سەن، ماحاباتىم سەن. ايدان تۉشكۅن اي قىزىم، تاازئم قىلام چىرايىڭا مەن، چىرايىڭا مەن. جايقالعان ۅرمۅلۉڭدۅن، كۅزۉڭدۅن مۅلمۉلدۅگۅن. قايىرما: ۅتكۉر جاشتىق، ۅمۉرگۅ سۉيۉۉ بەرگەن، جۉرۅ بەرگىن كۅڭۉلدۅ، جۉرۅگۉمدۅ بئيلەي بەرگىن. اي قىزىم، اي، اي قىزىم، اي قىزىم مەنىن. جۉرۅ بەرگىن كۅڭۉلدۅ، جۉرۅگۉمدۅ بئيلەي بەرگىنىڭ. جوموقتون كەلدىڭ حانزاادام، سۇلۇۇلاردىن پەرىسى بەلەڭ، مەن ئزدەگەن. بايقاتپاي جۉرۅك ۇۇرداعان، بئيچئلەردىن سىيقىرى بەلەڭ، مەن بئلبەگەن. التىن كۅكۉل ساامايىڭدان، اپپاق جۉزۉڭ، ماانايىڭدان. قايىرما:

تەنتەك

	سەن قىزىل گۉل جايناعان مەن بۇلبۇل باقتا سايراعان سەن بئر پانار، مەن پاانا جارىعىڭ تئيسە جايلانام قىلچايىپ بۇلبۇل قونۇۇعا قىزىعات قىزىل گۉلۉڭۅ بۇرۇلۇپ قۇلاق سالا جۉر بۇلبۇلدۇن مۇقام ۉنۉنۅ اچىلعان گۉلگۅدا جەتەمبى؟ اشىعىپ قانا كەتەمبى اچىلعان كۉلگۅدا جەتالباي ارماندا قانا ۅتۉپ اي كەتەمبىڭەي ،كەتەمبىڭاي ،كەتەمبى اچىلعان كۉلگۅدا جەتالباي ارماندا قانا ۅتۉپ اي كەتەمبىڭەي ،كەتەمبىڭاي ،كەتەمبى

تەنتەك

	«اكە» دەگەن سۅزۉڭدۅن ايلانايىن، اكەڭ بولۇش مەنىن دا ساماعانىم. ۇشۇل بويدون تۉبۅلۉك قالساڭ ەكەن، ۇرمات-سىيدى تارتۇۇلاپ، ۇرمات-سىيدى تارتۇۇلاپ ماعا ار دايىم. قايىرما: ە-ە-ي، تۉشتۉك قىزى، قارىنداشىم، ساداعا، قارىنداشىم، ساداعا، ساداعاسى... قانچا ۅزۉمدۉ سابىرلۇۇ قارمابايىن، الىپ ەلە باراتات ارباعانىڭ. نارىستەم، وو، نازىڭدان قاعىلايىن، نارىستەم، اي، نازىڭدان انانايىن. قايىرما: ازىرىنچا مەن اكەڭ بولۇپ قويسوم، انچا-مىنچا بئرۅۅدۅن قورۇپ قويسوم. قاپ ەتپەگىن، قارىنداش، انان، انان، « اكە »  دەگەن ووزۇڭدان سورۇپ قويسوم

تەنتەك

	التىناي نارباييەۋا توقتوبەك اسانالىيەۋ "سەنى عانا ئزدەدئم" گۉلدۉ كۅردۉم، اياپ انى ۉزبۅدۉم، بئروق قالدى جاز گۉلۉندۅ مەنىن ئزدەرئم. ەمنەگەدىر كۅڭۉل دەگدەپ وشوندو، كۅپ گۉلدۅردۅن سەنى عانا ئزدەدئم. اسىلكەچئم، وشول ماعا تۇۇ بولدۇ، جۉرۅككۅ دەم، كۅڭۉلگۅ ىناق گۉل بولدۇ. دوورۇن سۉيۉپ، ەلىن ماقتاپ جاقتىرار، كۅلدۅ سۉزگۅن اپپاق، چۉرۅك قۇۇ بولدۇ. ەگەر مەنى قايعى بۇلۇت قاپتاسا، اچىق بويدون، اچىق اس مان، تاپتازا. ۉمۉت جىلت دەپ، ۉيدۉن قۇتۇ جارق ەتىپ، ۅمۉر چەگى ۅردۉ كۅزدۅي اقپاسا. گۉلدۉ كۅردۉم، اياپ انى ۉزبۅدۉم، بئروق قالدى جاز گۉلۉندۅ مەنىن ئزدەرئم. ەمنەگەدىر كۅڭۉل كۅكسۅپ ۅمۉردۅ، سان گۉلدۅردۅن سەنى عانا ئزدەدئم.

تەنتەك

	قۇتمان جولدوشيەۋ "بارام ساعا" بۇل ىر مادىنا جەەنبەكوۋا مەنەن بئرگەلىكتە اتقارىلعان سۅزۉ : ە.ىبراييەۋدىكى وبونۇ : ا.بەدئياروۋدۇقۇ تاڭ شوولاسى نۇر چاچقاندا، تال-تەرەكتەر بۉر اچقاندا. قىر-قىرلاردان قول بۇلعالاپ، قىزعالداقتار گۉل اچقاندا. قايىرما: العا سۉرۅپ ۉمۉت عانا، الوولونۇپ كۉيۉپ-جانا. بار-جوعۇما قايىل بولۇپ، بارام ساعا، بارام ساعا. جىلدىز كۅككۅ تاعىلعاندا، جىلعادان سۇۇ اعىلعاندا. التىن سۅيكۅ سىياقتانىپ، اي قايرادان جاڭىرعاندا. قايىرما: دايرا تاشىپ چامىنعاندا، داراق جوولۇق سالىنعاندا. ساناام سارى سامان بولۇپ، ساعا قاراي اعىلعاندا.

تەنتەك

	مۅلتۉرۅپ بۉلدۉركۅندۅر بىشقان كەزدە، اس مانعا بۉركۉت شاڭشىپ ۇچقان كەزدە. ساامايلارىن سەڭسەلتكەن اق قايىڭدار، ساماشىپ ساعىنىچىمدى ۇققان كەزدە، بارام ساعا. شوولالار كىرپىگىڭدى ۅپكۅن كەزدە، نۅشۅرلۅپ ەلەكتەتە تۅككۅن كەزدە. قۇبارىپ قۇسالىقتان اق جۉزۉبۉز، كۅپ كۉندۅر ارابىزدان ۅتكۅن كەزدە، بارام ساعا. شوولالار كىرپىگىڭدى ۅپكۅن كەزدە، اق جامعىر نۅشۅرلۅتۅ تۅككۅن كەزدە. قۇبارىپ قۇسالىقتان اق جۉزۉبۉز، كۅپ كۉندۅر ارابىزدان ۅتكۅن كەزدە، بارام ساعا. شىرەسىن قاراعاتتار چاچقان كەزدە، اجارىن جووعازىندار اچقان كەزدە. قۇچاقتاپ بەيقۇتچۇلۇق تۉن قويۇنۇن، كۉن نۇرۇ ۇياسىنا باتقان كەزدە، بارام ساعا. گۉلدۅرگۅ اارىلارىڭ قونعون كەزدە، بال چۅبۉن وي-المانىن سورعون كەزدە. العاچقى بئز جولۇققان كەچتەگىدەي، التىن اي اس مانداعى تولعون كەزدە، بارام ساعا.

تەنتەك

	اسانقالىي كەرئمباييەۋ "اق مارالىم" سۅزۉ : ت.قوجەمبەردىيەۋدىكى وبونۇ : ا.كەرئمباييەۋدىكى كۉتۉۉگۅ چىدامىم از كۅرۉنۅمۉن، كۉيۉتتۉن ىزاسىنا چۅمۉلۅمۉن. الىستاپ كەتسەڭ داعى ماڭدايىڭا، اس ماندان جىلدىز بولۇپ تۅگۉلۅمۉن. اشىعىپ توو سۇۇسۇنداي چامىنامىن، ار دايىم سەن تاراپقا اعىلامىن. الىستا، جاقىن جەردە جۉرسۅڭ داعى، ار دايىم اق مارالىم، ساعىنامىن. سارعايتپاي اچىق جووبۇن بەرەسىڭبى ؟ ساعىنىپ مەدەر قىلام ەلەسىڭدى. تاڭداعى تارمال بۇتاق بولعۇم كەلەت، تالپىنىپ، چەرتىپ تۇرعان تەرەزەڭدى.

تەنتەك

	اسانقالىي كەرئمباييەۋ "اكىنگە" سۅزۉ : تەكەباي مۇراتالىيەۋدىكى وبونۇ : تەكەباي مۇراتالىيەۋدىكى اي، كەز ەلە دا قالعان تاڭ اتىپ، وو، كەزدەشتىك دا جولدو باراتىپ، ەي. كەرمە قاش سۇلۇۇ بەش كۅكۉل، ولدو، قىيالىمدا جاراتىپ، ەي. ۅتسۅ ەكەن اا، دەيمىن ۅمۉرۉم، ولدو، ۅزۉڭۅ ەلە ۅزۉم جاناشىپ. ەي، ارتىڭدان بارسام باقچاعا، ەي، وو، ارتىلىپ دا الىپ باشقاعا، ەي. جالىنىپ سۉيلۅپ جاتىپسىڭ، ولدو، جاقتىرباي سەنى جاتسا دا، ەي. سۉيۉۉنۉن ەي كۉچۉ كەرەمەت، ولدو، جالىنتات تۇرا، ئي، باشقاعا. ەي، قىراڭداي اكىن قىمچا بەل، وو، قىناما دا، تولدۇڭ كۅڭۉل بۅل، ەي. ارامزانىن بەلىندە اندا، اشۇۇلاپ، جايلاپ بئزدىن ەل، ەي. قىمباتىم ەي، سەندەن سۇرارىم. ولدو، قىيىپ كەتپەي، ئي، مەندەي كۅر. قىمباتىم سەندەن سۇرارىم. ولدو، قىمباتىم اكىن قىيباي جۉر

تەنتەك

	اسانقالىي كەرئمباييەۋ "اتاما" بويۇ شىڭعا ويۇ نۇسقا قار ەلە، جوموق سۅزگۅ جورعولۇعۇ بار ەلە. وورۇپ جاتىپ اقىرەتكە جول الدىڭ، اتىڭ مىنىپ، قىردى اشقان دا جاڭى ەلە. الىستاعى ۇۇلۇمدان قات باربىلاپ، اماندىعىم تئلەپ تۇرچۇ ار ۇباق. اتاكەمدەن ايرىلعانعا ۉي ەمەس، ايىل داعى قالعانسىدى اڭعىراپ. ايىل دەسە اتام ماعا ەلەستەپ، تالداساچۇ بۉگۉن ەرتەڭ بارام دەپ. اتا دەگەن اقىلعا بەك ساداعام، اتاسى بار دەگەن قانچا قانىيەت. ەمى مىنا زور جەتئلدى سەزئلدى، ەچ ۇباقتا اتا دەبەيم ەچ كىمدى. ايىلىمدىن اقساقالىن كۅرگۅندۅ، جۉرۅك تولقۇيت كۅرگۅن ۅڭدۉۉ ۅزۉڭدۉ. قايعى ماعا قاتۇۇ تئيىپ قامچىداي، جان كەيئتىپ جاشىم اقتى تامچىداي. قاراي بەردئم اتام قالعان سەڭىردى، اتىن مىنىپ ازىر تۉشۅ قالچۇداي.

تەنتەك

	اسانقالىي كەرئمباييەۋ "باقتىلۇۇ بولعۇم كەلەت ماحاباتتان" سۅزۉ : ا. ۅمۉرقانوۋدۇقۇ وبونۇ : ا. كەرئمباييەۋدىكى باقتىلۇۇ بولعۇم كەلەت ماحاباتتان، جۉرۅكتۅ ەس تارتقانى كەلە جاتقان. ارۇۇ قىز مەنىن جايداق تاعدىرىما، ۅزۉڭسۉڭ ۅچپۅس سۉيۉۉ وتۇن جاققان. ۉمۉتتۅ ار كۉن سايىن جولۇڭ قاراپ، جوودۇراپ جولۇعۇۇنۇ ساماپ، ساماپ. ۅمۉرۉم ۅتۉپ جاتات ەڭسۅۅ مەنەن، قىمباتىم، كەلەەر جاعىڭ قايسى تاراپ ؟ تۉشۉمبۉ ؟  تۉشۉم داعى سەن جىتتانات، كۉلكۉمدۉن ئزىن كۅرسۅڭ ساعا بارات. دۉينۅدۅ سەنىن بارىڭ ەستەگەندە، كۅڭۉلدۉن كۅپ قايعىسى ۇنۇت قالات. سەنى ئزدەپ جەردى كەزدئم، كۅلدۉ كەچتئم، ۅزۉڭۅ كۅپتۉ وقشوتۇپ ازاپ چەكتئم. باقتىلۇۇ بولعۇم كەلەت ماحاباتتان، ارىلعىس اجايىپ بئر نۇرۇڭ تۅككۉن.

تەنتەك

	اسانقالىي كەرئمباييەۋ "گۉلقايىر" ىسىق-كۅل ساعا بارام دەپ، ىرىسقا بۉتسۅ جاعار دەپ. ويلوعون ەمەس ەكەنمىن، وشوندو سەنى تابام دەپ. ويلوعون ەمەس ەكەنمىن گۉلقايىر، سەنى تابام دەپ. كۅرسۅم دا سەنى مئڭ جولۇ، كۅل بويلوپ باستىم تۉن بويۇ. گۉلقايىر، سەنىن ماس بولۇپ، گۉلۉڭدۉ ىسكەپ بئر جولۇ. گۉلقايىر، سەنىن ماس بولۇپ، ۅزۉڭدۉ جىتتاپ بئر جولۇ. دارتىما دابا ەتە الباي، داالايلار جۉرسۅ جەتە الباي. ۅمۉردۉن بارقىن كەچ بئلىپ، ۅزۉڭدۅن تۇرام كەتە الباي. جاشوونۇن بارقىن كەچ بئلىپ، جانىڭدان تۇرام كەتە الباي. كۉۉگۉمگۅ تولعون كەچئمدىن، كۉكۉگۉن قايدا كەتىردىڭ ؟ گۉلقايىر، گۉلۉم قوش ەمى، گۉلۉڭدۉ ۉزسۅم كەچىرگىن. گۉلگۅ وقشوش ەركەم، قوش ەمى، كۉنۅۅلۉۉ بولسوم كەچىرگىن.

تەنتەك

	اسانقالىي كەرئمباييەۋ "سەندەي ماعا" سۅزۉ : اناتاي ۅمۉرقانوۋدۇقۇ وبونۇ : اسانقالىي كەرئمباييەۋدىكى داراق بئلىپ جازدا بۉچۉر بايلاارىن، كۉزدۅ تۉشكۅن جالبىراعىن ساعىنبايت. سەندەن سۇلۇۇ بولسو داعى العانىم، سەندەي ماعا بۇل دۉينۅدۅ تابىلبايت. كۅلگۅ جەتپەي سۇۇلار سوولۇپ اقپاسا، جارعا جەتپەي جىگىت جالعىز جاتپاسا. قايسى قىزعا قادالباسىن قارەگئم، باارى بۅلۅك، باارى سەندەن باشقاچا. كىمدەن قالعان تابىگاتقا تاارىنىچ، كىمدەن قالعان ۉيلۅنۉۉلۅر جاڭىلىش. جۉرۅكتۉ ۅرتتۅپ قوشتوپ جۉرۉپ وتۇرات، ۅزۉمدۅگۉ ساعا دەگەن ساعىنىچ. داراق بئلىپ جازدا بۉچۉر بايلاارىن، كۉزدۅ تۉشكۅن جالبىراعىن ساعىنبايت. سەندەن سۇلۇۇ بولسو داعى العانىم، سەندەي ماعا بۇل دۉينۅدۅ تابىلبايت.

تەنتەك

	اسانقالىي كەرئمباييەۋ "مۇڭداشىم مۇنار، قايداسىڭ ؟ " سۅزۉ : االى توكومباييەۋدىكى وبونۇ : اسانقالىي كەرئمباييەۋدىكى سۉت ەمگەن بالا جىتتانعان، ئلەبىڭدى ساعىندىم، موينۇمدۇ سىلاپ ارتىلعان، بئلەگىڭدى ساعىندىم. تالپىنسام تاپپايم ايلاسىن، تالاادا قالعان ۅڭدۅنۅم، تاالايىم مۇنار، قايداسىڭ ؟ قۇچاقتاپ تۇرسام تۇيلاعان، جۉرۅگۉڭدۉ ساعىندىم، ەڭكەيسەڭ ەركە چايپالعان، كۉبۅگۉڭدۉ ساعىندىم. مۇڭايام تاپپاي ايلاسىن، مۇڭقانىپ جالعىز وتۇرام، مۇڭداشىم مۇنار، قايداسىڭ ؟ بالبىلداپ قاراپ وشتونۇپ، كۉلگۅنۉڭدۉ ساعىندىم، كەرۉۉدۅن چىققان مارالداي، جۉرگۅنۉڭدۉ ساعىندىم. تالپىنام تاپپايم ايلاسىن، تاڭ اتات داعى كۉن باتات، تاعدىرىم مۇنار، قايداسىڭ ؟ گۉل بۇراق جئيدە جىتتانعان، ئلەبىڭدى ساعىندىم، موينۇما جۇمشاق ورولعون، بئلەگىڭدى ساعىندىم. كۅكسۅيمۉن تاپپاي ايلاسىن، كۅڭۉلگۅ تەتە قىلايىن، تۉشكۅ كىر، مۇنار، قايداسىڭ ؟

تەنتەك

	اسانقالىي كەرئمباييەۋ "امان بول، جارىق جىلدىزىم" سۅزۉ : ومور سۇلتانوۋدۇقۇ وبونۇ : اسانقالىي كەرئمباييەۋدىكى اق بۇلۇت توودو قالقىلداپ، ايدالىپ بارات شامالعا. بۇلۇتقا وقشوپ مەن داعى، بۇۇلۇعۇپ جىلام سەن جاققا. بۇلۇتقا وقشوپ مەن داعى، بۇۇلۇعۇپ جىلام سەن جاققا. تىڭشاسام مەزگىل شووقۇمۇن، قىلىمدىن دووشۇ ۇعۇلات. جىلت ەتىپ جارىق ئز سالىپ، جىلدىزىم ۇچات زۇۇلداپ. جىلدىزىم مەنىن ۅچپۅگۅن، ماڭدايعا نۇرۇن تاراتىپ. ۅزۉڭدۉ ويلوپ تۇرامىن، ۅمۉردۅن ۅتۉپ باراتىپ.

تەنتەك

	اسانقالىي كەرئمباييەۋ "قۇسالىق" سۅزۉ : ج.مامىتوۋدۇقۇ وبونۇ : ا.كەرئمباييەۋدىكى كەزىگىپ جىلداردىن بئر جىلدارىندا، قايىرسىز ايلاردىن بئر ايلارىندا. قايدادىر الىپ كەتتىڭ جاشتىعىمدى، جەر چئيگەن چاچتارىڭا بايلادىڭ دا. تىرۉۉلۉك بۉتۉن بويدون تۇشاپ الىپ، تۉشۉۉدۅ ۅمۉر مەندەن ۇشالانىپ. ۇزۇن تۉن ەلەسىڭدى ۇنۇتا الباي، ۇنچۇقپاس بولۇپ كەتتئم قۇسالانىپ. قونوقتوي كۉندۅر ۅتۅت الچىلانىپ، كۉمۉش ساپ قامچى مەنەن قامچىلانىپ. بوي تاشتاپ تەگىرمەندىن پاراسىنا، كەە كۉنۉ قالعىم كەلەت قايچىلانىپ. كۅز تۉشۉپ كۅك كۅينۅكچۅن ۇباعىڭدان، اربىن جىل اتىڭ كەتپەي قۇلاعىمدان. تۉشۉمۅ كىرئشىڭدى كۉندۅ تئلەپ، ۇقتااردا ۇعۇزباستان دۇبا قىلام

تەنتەك

	اسانقالىي كەرئمباييەۋ "قايداسىڭ ؟ " بئز جۉرگۅن ايلۇۇ تۉن قايدا ؟ بئز ۉزگۅن جىپار گۉل قايدا ؟ كۅزۉڭدۅن سەكەت بولويۇن، كۅرۉنۉپ قويچۇ بئر قايرا ؟ ! جاشىل باق، جايدىن كەچى ەلە، جاناشا باسقان كەز ەلە. تاماشا قىيال سۅز ايتسام، تاارىنا تۉشتۉڭ تەز ەلە. قىيالدىن مىنىپ كەمەسىن، قىينالدىم، قاچان كەلەسىڭ ؟ قىيناعان مەنىن جانىمدى، قىمباتتۇۇم، قانداي نەمەسىڭ ؟ قىيالىم چەرتىپ تۉركۉن كۉۉ، سەن قاراپ قويسوڭ سۉيكۉمدۉۉ. تىمىزىن ىچئم تىزىلداپ، ساعىندىم سەنىن كۉلكۉڭدۉ.

تەنتەك

	اسانقالىي كەرئمباييەۋ "قارا-كۅلدۉن قىزدارى" قارا-كۅلدۉن قىزدارى جىلدىز ماڭداي، كۅزدۅرۉن كۅر جىمىڭداشقان جىلدىزدارداي. جۉرۅگۉمۅ تۉنۅتۉپ بئر سۇلۇۇسۇن، جۉرۅمۉن قىيالىمدا الىستاباي. جەەگىندە دايرانىن شارپىلداعان، كۉلگۅنۉڭدۉ ساعىندىم مەن شاڭقىلداعان. چىعىپ بارىپ اسقاعا تئزگەنىڭدى، جىلدىز قارماپ قولۇڭ جارقىلداعان. سىرداپ جاتقان ۉيلۅردۉ التىن مەنەن، سىيدا، نازىك قولدورۇڭ التىن بەلە ؟ سىيماقتانات ەلىڭ دا، قۇرۇۇچۇ قىز، سەنىن اتىڭ ەمگەگىڭ، داڭقىڭ مەنەن. ەڭسەيم سەنى كۅڭۉلۉمۅ ىرىس تولۇپ، ەڭسەيم سەنى كۅزدۅرۉمۅ جىلدىز قونۇپ. مەنى ۅزۉڭۅ چاقىرچى، سىيقىرلاچى، ۇچۇپ تۉندۅ جەتەيىن جىلدىز بولۇپ.

تەنتەك

	اسانقالىي كەرئمباييەۋ "كەچىككەن ماحابات" قارەكتەن نۇرۇڭ تۅگۉلۉپ، قات-قاتتاپ ويۇم بۅلۉنۉپ. قايعىعا سالىپ، قارىنداش، مەن قارتايعان كەزدە كۅرۉنۉپ. ۇۇرتۇڭدان كۉلكۉڭ تۅگۉلۉپ، ۇدۇرعۇيت ساناا بۅلۉنۉپ. ۇبايعا سالدىڭ، قارىنداش، مەن ۇلعايعان كەزدە كۅرۉنۉپ. ۇبايعا سالدىڭ اعاڭدى، مەن ۇلعايعان كەزدە كۅرۉنۉپ. مەكەندەپ چىقچۇ قايبەرەن، مەلجىگەن بئيىك جاي بەلەڭ ؟ مەزگىلسئز كەزدە جولۇقتۇڭ، مەن بوز جىگىت كەزدە قايدا ەلەڭ ؟ مەەنەتىڭ الىپ جۉرۅيۉن، مەن بوز جىگىت قايدا ەلەڭ ؟ بولۇمۇڭ تولعون اي بەلەڭ ؟ بولجوشقون بئيىك جاي بەلەڭ ؟ بوي تۇمار سىندۇۇ پەرئشتەم، مەن بوز ۇلان كەزدە قايدا ەلەڭ ؟